Kehty Hein Keh Ab Hum Se Khatakar Buhat Hein Ik Rasm Wafa Thi So Wafadar Buhat Hein
کہتے ہیں کہ اب ہم سے خطا کار بہت ہیں
اک رسم وفا تھی سو وفادار بہت ہیں
Kehty Hein Keh Ab Hum Se Khatakar Buhat Hein
Ik Rasm Wafa Thi So Wafadar Buhat Hein
لہجے کی کھنک ہو کہ نگاہوں کی صداقت
یوسف کے لیے مصر کے بازار بہت ہیں
کچھ زخم کی رنگت میں گل تر کے قریں تھے
کچھ نقش کہ ہیں نقش بہ دیوار بہت ہیں
راہوں میں کوئی آبلہ پا اب نہیں ملتا
رستے میں مگر قافلہ سالار بہت ہیں
اک خواب کا احساں بھی اٹھائے نہیں اٹھتا
کیا کہئے کہ آسودۂ آزار بہت ہیں
کیوں اہل وفا زحمت بیداد نگاہی
جینے کے لیے اور بھی آزار بہت ہیں
ہر جذبۂ بے تاب کے احکام ہزاروں
ہر لمحۂ بے خواب کے اصرار بہت ہیں
پلکوں تلک آ پہنچے نہ کرنوں کی تمازت
اب تک تو اداؔ آئنہ بردار بہت ہیں
ادا جعفری
Ada Ja'afry

Comments
Post a Comment