Qasmy Mera Was Nahi Chalda Naein Ty Main Mul Pondi Gal Da
قسمے میرا وس نہیں چلدا
نئیں تے میں مُل پوندی گل دا
Qasmy Mera Was Nahi Chalda
Naein Ty Main Mul Pondi Gal Da
کینوں کینوں روکیں گا توں
گلاں کرنوں کوئی نئیں ٹلدا
ہو جائے گا دُور ہنیرا
عشق دا دیوا رکھیں بلدا
جو کہنا اے، اج ای کہہ دے
کی بھروسہ سجناں کل دا
دنیا ساری ہو گئی دشمن
کوئی وی نئیں میرے ول دا
چھڈ گئے سارے سجن بیلی
حسن دا سورج ویخ کے ٹہلدا
گزریا ویلا خواب لگے گا
اٹھیں گا جدوں اکھاں ملدا
کشتی پار اے لگ جانی سی
رُخ جے دیندا موڑ توں چھل دا
شمیم میں لکھ دلیلاں دیواں
مُل نئیں پینا میری گل دا
شمیم چودھری
Shameem Choudry

Comments
Post a Comment