Sadion Ka Fasla Hai Simat Jaye Na Kahein Yeh Naqsha Hayat Ulat Jaye Na Kahein
صدیوں کا فاصلہ ہے، سِمٹ جائے نہ کہیں
یہ نقشۂ حیات اُلٹ جائے نہ کہیں
Sadion Ka Fasla Hai Simat Jaye Na Kahein
Yeh Naqsha Hayat Ulat Jaye Na Kahein
اے موجۂ خیال مجھے چُھو کے نہ گزر
منظر جو سامنے ہے، وہ ہٹ جائے نہ کہیں
سوتے نہیں ہیں اہل ِ چمن سوچ کر یہی
اِک پیڑ بچ رہا ہے، وہ کٹ جائے نہ کہیں
اے خوگر ِ ستم تُو ذرا احتیاط کر
تیغ ِ سخن سے دل مِرا کٹ جائے نہ کہیں
دہلیز ہو گئی ہے مِری چشم منتظر
چوکھٹ پہ آ کے کوئی پلٹ جائے نہ کہیں
شاہین مفتی
Shaheen Mufty

Comments
Post a Comment