HIJAR

تم بتاؤ مجھے لگتا ہے، فقط نام کا ہے دل دھڑکنے کے علاوہ بھی کسی کام کا ہے Tum Batao Mujhe Lagta Hai Faqat Nam Ka Hai Dil Dhadakny Ke Elawa Bhi Kisi Kam Ka Hai تم نے تحفے میں مجھے پھول کیوں بھجوائے ہیں جبکہ ملنے کا ارادہ بھی اسی شام کا ہے Tum Ne Tuhfe Mein Mujhe Phool Kyun Bhaijwaye Hein Jabkeh Milny Ka Iradah Bhi Isi Sham Ka Hai معید مرزا Mueed Mirza  

کیا رشک ہے کہ ایک کا ہے ایک مدعی تم دل میں ہو تو درد ہمارے جگر میں ہے Kia Rashk Hai Keh Aik Ka Hai Aik Mudae Tum Dil Mein Ho Tou Dard Hamare Jigar Mein Hai ہجر ناظم علی خان Hijar Nazim Ali Khan

جب سے جاگی ہے ترے لمس کی خواہش دل میں رہنا پڑتا ہے مجھے خود سے کنارہ کر کے Jab Se Jagi Hai Tere Lams Ki Khuwahish Dil Mein Rehna Padta Hai Mujhe Khud Se Kinarah Kar Ke دشت چھانے گا تری خاک محبت سے سعیدؔ عشق دیکھے گا تجھے سارے کا سارا کر کے Dasht Chane Ga Teri Khaak Muhabbat Se SAEED Ishq Daikhay Ga Tujhe Sare Ka Sara Kar Ke مبشر سعیدؔ

سخت زباناں رکھن والے دیندے نئیں نقصان بلھیا ڈر اونہاں توں جیہڑے جھک جھک کرن سلام بابا بلھے شاہ Sakht zubanan rakhhan wale dende nai nuqsan Bulhiya dra onhan ton jehde jhuk jhuk karan salam Baba Bulhe Shah  

آؤ تجدید وفا پھر سے کریں ہم ورنہ بات کچھ اور الجھ جائے گی سلجھانے سے Aao Tajdeed Wafa Phir Se Karein Hum Warna Baat Kuch Aur Ulajh Jaye Gi Suljhane Se ہے سمجھنا تو محبت سے گزر اے ہمدم بات آئے گی سمجھ میں نہ یوں سمجھانے سے Hai Samjhna Tou Muhabbat Se Guzar Ae Humdam Baat Aayegi Samajh Mein Na Yun Samjhane Se نصیر آرزو Naseer Aarzoo

سُن اے غزالِ رعنا، اب دِل یہ چاہتا ہے ہر روز اِک غزل ہم درِ مدحِ یار بھیجیں دِل یہ بھی چاہتا ہے، ہجراں کے موسموں میں کُچھ قُربتوں کی یادیں ہم دُور پار بھیجیں دِل یہ بھی چاہتا ہے، اُس جانِ شاعری کو کُچھ شعر اپنے چُن کر اِک شاہکار بھیجیں دِل یہ بھی چاہتا ہے، سب بھید چاہتوں کے ہر مصلحت بُھلا کر بے اختیار بھیجیں دِل یہ بھی چاہتا ہے، پردے میں ہم سُخن کے دِیوانگی کی باتیں دِیوانہ وار بھیجیں دِل یہ بھی چاہتا ہے، جب بے اثر ہو سب کُچھ تُجھ کو بنا کے قاصِد اے یادِ یار بھیجیں دِل یہ بھی چاہتا ہے، یا چُپ کا زہر پی لیں یا دامن و گریباں ہم تار تار بھیجیں دِل جو بھی چاہتا ہو لیکن فرازؔ سوچو ہم طوقِ آشنائی کیسے اُتار بھیجیں احمد فرازؔ

جو پایا عشق میں وہ مقام جاتا رہا اے دل، مچل کہ تیرا احترام جاتا رہا Jo Paya Ishq Mein Woh Muqam Jata Raha Ae Dil Machal Keh Tera Ehteram Jata Raha وصال یار سے تسکیں تو مل گئی لیکن   وصی جو ہجر سے ملتا دوام جاتا رہا Wisal Yaar Se Taskeen Tou Mil Gai Lekin WASI Jo Hijar Se Milta Dawam Jata Rah a وصی شاہ Wasi Shah

ﮔﺌﮯ ﻣﻮﺳﻢ ﻣﯿﮟ ﺟﻮ ﮐﮭﻠﺘﮯ ﺗﮭﮯ ﮔﻼﺑﻮﮞ ﮐﯽ ﻃﺮﺡ ﺩﻝ ﭘﮧ ﺍﺗﺮﯾﮟ ﮔﮯ ﻭﮨﯽ ﺧﻮﺍﺏ ﻋﺬﺍﺑﻮﮞ ﮐﯽ ﻃﺮﺡ ﺭﺍﮐﮫ ﮐﮯ ﮈﮬﯿﺮ ﭘﮧ ﺍﺏ ﺭﺍﺕ ﺑﺴﺮ ﮐﺮﻧﯽ ﮨﮯ ﺟﻞ ﭼﮑﮯ ﮨﯿﮟ ﻣﺮﮮ ﺧﯿﻤﮯ ﻣﺮﮮ ﺧﻮﺍﺑﻮﮞ ﮐﯽ ﻃﺮﺡ ﺳﺎﻋﺖ ﺩﯾﺪ ﮐﮧ ﻋﺎﺭﺽ ﮨﯿﮟ ﮔﻼﺑﯽ ﺍﺏ ﺗﮏ ﺍﻭﻟﯿﮟ ﻟﻤﺤﻮﮞ ﮐﮯ ﮔﻠﻨﺎﺭ ﺣﺠﺎﺑﻮﮞ ﮐﯽ ﻃﺮﺡ ﻏﯿﺮ ﻣﻤﮑﻦ ﮨﮯ ﺗﺮﮮ ﮔﮭﺮ ﮐﮯ ﮔﻼﺑﻮﮞ ﮐﺎ ﺷﻤﺎﺭ ﻣﯿﺮﮮ ﺭﺳﺘﮯ ﮨﻮﺋﮯ ﺯﺧﻤﻮﮞ ﮐﮯ ﺣﺴﺎﺑﻮﮞ ﮐﯽ ﻃﺮﺡ ﺷﻮﺥ ﮨﻮ ﺟﺎﺗﯽ ﮨﮯ ﺍﺏ ﺑﮭﯽ ﺗﺮﯼ ﺁﻧﮑﮭﻮﮞ ﮐﯽ ﭼﻤﮏ ﮔﺎﮨﮯ ﮔﺎﮨﮯ ﺗﺮﮮ ﺩﻟﭽﺴﭗ ﺟﻮﺍﺑﻮﮞ ﮐﯽ ﻃﺮﺡ ﮨﺠﺮ ﮐﯽ ﺷﺐ ﻣﺮﯼ ﺗﻨﮩﺎﺋﯽ ﭘﮧ ﺩﺳﺘﮏ ﺩﮮ ﮔﯽ ﺗﯿﺮﯼ ﺧﻮشبو ﻣﺮﮮ ﮐﮭﻮﺋﮯ ﮨﻮﺋﮯ ﺧﻮﺍﺑﻮﮞ ﮐﯽ ﻃﺮﺡ ﭘروین ﺷاکر

نقوش تیکھے، نگاہ ترچھی، کٹار ابرو قتیل نینا کہاں کہاں پہ یہ جان دی ہے، یہ بیقراروں سے جان لینا Naqoosh teekhe, nigah tirchhi, kinar abru, qateel naina Kahan kahan pe ye jan di hai, ye beqararon se jan lena   جمال اویسی Jamal Owaisi

دل پہ لاکھوں لفظ کندہ کر گئی اُس کی نظر اور کہنے کو ابھی اُس نے کہا کچھ بھی نہیں Dil Peh Lakhon Lafz Kandha Kar Gai UskoNazar Aur Kehne Ko Abhi Usne Kaha Kuch Bhi Nahi  ظہور نظر Zahor Nazar

عمر گزرے گی امتحان میں کیا داغ ہی دیں گے مجھ کو دان میں کیا Umar guzre ge imtihaan men kiya Dagh he denge mujh ko Daan men kiya   یہ مجھے چین کیوں نہیں پڑتا ایک ہی شخص تھا جہان میں کیا Ye mujhe chain kyon nahen parta Ek he shaks thaa jahaan men Kiya

    میرا ایک ایسا گھر ہو   Mera dil chahta hy    جسکے چاروں طرف میلوں تک کوئی انسان نہ بستا ہو Jes ky charon taraf meelon tak Ko'ei insan nh basta ho   اتنی خاموشی ہو کہ پھول کھلنے کی آہٹ بھی آئے آوازیں ہوں تو پرندوں کی Atni khamushi ho keh phol khelne ki aahat bhi aa'ae Awazen hon to parindon ki    بارش کی پتوں پہ گرنے کی ہوا کی سرسراہٹ اور تتلیوں کے پروں کی ہوں Barish ki Paton peh gerne ki Hawa ki ser'sera'hat oor tetliyon ky paron ki hon   چاند صرف مجھ سے بات کرے  اور ستارے جھلمائیں مجھ سے کبھی کوئ ملنےنہ آئے Chand sirf mujh sy baat kare Oor sitare jhelmela'aan Mujh sy kabhi koai melne nh aa'ae

Pholon SE gar Bahar ne Bhar bhi diya TU kiya Daman Mera udaas Raha khaar ke baghair Fursat mile tu poch kabhi Unka hall bhi Jo loog je Rahe Hain tere piyar ke baghair Shab Khair

سجتے ہی رہے بزم میں آنے میں دیر کی کیوں آپ نے یہ جلوے دِکھانے میں دیر کی زاہد شرع پرست نہ سمجھا یہ رازِ حُسن کیوں آئینے میں خود کو سجانے میں دیر کی وہ بھی نہ میرے پیار کو چہرے سے پڑھ سکا میں نے بھی دِل کی بات بتانے میں دیر کی شاید حیا تھی یا وہ تغافل کی اک ادا اُس شوخ نے نگاہیں مِلانے میں دیر کی آیا وہ لطف شیشۂ دِل ٹوُٹنے میں دوست میں نے بھی کِرچیوں کو اُٹھانے میں دیر کی مرنے کے بعد کوئی بھی رکھتا نہیں ہے یاد اے دوست ہے یہ رسم زمانے میں دیر کی بے بات کوئی چھوڑ گیا عُمر بھر کا ساتھ ارشد کسی کو ہم نے مَنانے میں دیر کی مرزا ارشد علی بیگ Mirza Arshad Ali Baig آڈبان پینسلوانیا Audubon Pennsylvania

وہ یادیں جیسے ہو شبنم شبِ گزشتہ کی مِٹی نہیں ابھی تصویر عُمرِ رفتہ کی جو درد دے اُسی ظالم کو یاد کرتا ہے عجیب سی ہے نہ عادت دِلِ شکیبہ کی نِبٹنے وقت کے فِرعون سے کوئی آۓ ضرورت آج عصا کی ہے دستِ بیضہ کی کتابِ زیست یہ لِکھی ہو ریت پر گویا میں اک مِثال ہُوں اس پر خطِ شکستہ کی دراڑ آ ہی گئی آہنی ارادوں میں فراقِ دوست نے جب روح ریزہ ریزہ کی فلک سے توڑ کے لاؤ گے ماہتاب ارشد تمہاری ایک ہی ضد ہے وہی ہمیشہ کی مرزا ارشد علی بیگ Mirza Arshad Ali Baig آڈبان پینسلوانیا Audubon Pennsylvania

دل کو تیری جُدائی کا اب حوصلہ کہاں نفرت سے حل ہوا ہے کوئی مسئلہ کہاں ہم اس طرح جُدا ہوں کبھی پھر نہیں ملیں یہ حُکم  آپ کا  ہے  میرا  فیصلہ کہاں رَکّھا ہے باد و برق نے بے چین مُدّتوں محفوظ تھا چمن میں میرا گھونسلہ کہاں اظہارِ آرزو کا کوئی راستہ نہیں اُس تک رسائی کا بھی کوئی سلسلہ کہاں ارشد ہم اُن سے بات کوئی دل کی کر سکیں آیا ہے راہِ  عشق میں  وہ  مرحلہ کہاں مرزا ارشد علی بیگ Mirza Arshad Ali Baig آڈبان پینسلوانیا Audubon Pennsylvania

پھر حسن ٹال دے گا کسی بھی سوال کو پہنچا ہے کیسے عشق فقیری کے حال کو تصویر دیکھ کر تیری مانگی یہی دعا اللّٰه  کرے نظر  نہ لگے اِس  جمال کو مُہرے سب آپ کے ہیں مخالف بساط پر دیکھیں تو غور سے ذرا دُشمن کی چال کو تبدیلی مستقل ہے جہانِ خراب میں دائم عروج ہے  نہ بقا ہے زوال کو ارشد مجھے تلاش ہے اُس سنگتراش کی جس نے بنا دیا ہے صنم اک خیال کو مرزا ارشد علی بیگ Mirza Arshad Ali Baig آڈبان پینسلوانیا Audubon Pennsylvania

ڈرتا ہوں رازِ  دل جو کبھی آشکار ہو سُن کر نہ چشمِ دوست کہیں اشکبار ہو اکثر اِسی خیال سے جاگا ہوں نیند میں شاید کہ اُس کو اب بھی میرا انتظار ہو میں بھی یہ چاہتا ہوں بتا دے مجھے کبھی مجھ سے زیادہ اور تُجھے جس سے پیار ہو قائم تو آج بھی ہے یہ منصور کی روش حق کی کرے جو بات وہی سنگ سار ہو سورج نے مانگ لی ہے ترے حُسن سے ضیا یہ چاند بھی نہ روشنی کا قرض دار ہو زادِ سفر تو کچھ بھی نہیں ہے ہمارے پاس یہ ہی بہت ہے تجھ کو میرا اعتبار ہو   ارشد غزل کہی ہے یا موتی پِرو دیئے اُُترا فلَک سے جیسے ستاروں کا ہار ہو مرزا ارشد علی بیگ Mirza Arshad Ali Baig آڈبان پینسلوانیا Audubon Pennsylvania

بہت دنوں سے کوئی یُوں کِھنچا کِھنچا سا ہے کبھی ہے اجنبی ہم سے کبھی شناسا ہے میں اُسکو دیکھ تو سکتا ہوں چُھو نہیں سکتا قریب آ کے بھی دریا کے کوئی پیاسا ہے قباحتیں ہیں محبّت میں اسقدر حائل  قدم بڑھاتا ہے لیکن رُکا رُکا سا ہے ہزاروں میل کی ہیں دُوریاں مگر جاناں کریں جو پیار تو یہ فاصلہ ذرا سا ہے شبِ فراق یہ پیکر ہے یا تیرا سایہ نظر اُداس ہے چہرہ بُجھا بُجھا سا ہے تقاضا عمر کا ہے یا گُمانِ ناکامی سفر طویل ہے رہرو تھکا تھکا سا ہے سراپا یار کا پُوچھا تو کہہ دیا ارشد بہت حسِین ہے وہ نام بھی بَھلا سا ہے مرزا ارشد علی بیگ Mirza Arshad Ali Baig آڈبان پینسلوانیا Audubon Pennsylvania

وہ گُل بے رنگ ہے جس میں تری خوشبو نہیں آئے نہیں وہ چاندنی چَھن سے اُتر کر تُو نہیں آئے اندھیری رات ہے تنہا بھٹکتا ہوں میں گُلشن میں دِکھانے راستہ مُجھ کو میرے جُگنو نہیں آئے نجانے کِتنے دیوانے مجسّم ہو گئے پتّھر تِری نگری نہ جائے وہ جِسے جادو نہیں آئے اشاروں سے سمجھ لیتے ہیں اپنے دل کی سب باتیں مُجھے لاطِن نہیں آتی اُسے اردو نہیں آئے اگرچہ داد تُو نہ دے مُجھے ضبطِ غمِ دل کی مگر مت پُوچھ یہ مُجھ سے کہ کیوں آنسو نہیں آئے جُھکا لیں گے نگاہوں کو نظر آئے جو محفل میں وہاں کیا کیجئیے گا دل اگر قابُو نہیں آئے تصوّر میں اُسے لا کر شب فُرقت گِنو‍ں تارے قرار اس دل کو جب ارشد کسی پہلُو نہیں آئے مرزا ارشد علی بیگ Mirza Arshad Ali Baig آڈبان پینسلوانیا Audubon Pennsylvania

بنانے والے نے تجھ کو حسیں بنایا ہے خود اپنے ہاتھوں سے چہرہ ترا سجایا ہے پلٹ کے وقت کو واپس بھی لا نہیں سکتا یہ کیسے موڑ پہ تُو زندگی میں آیا ہے مسافر آئے یا دروازے پہ کوئی طوفاں دِیا تو شام سے میں نے بھی اک جلایا ہے بتا کہ پیار سے اس دل کو کسطرح روکوں میں جانتا ہوں تُو میرا نہیں پرایا نہیں یہ دل کی بات ہوئی عام کسطرح ارشد کسی سے ذکر کیا نہ اُسے بتایا ہے مرزا ارشد علی بیگ Mirza Arshad Ali Baig آڈبان پینسلوانیا Audubon Pennsylvania

اتنی پیاری نہیں ہو سکتی کوئی ناری نہیں ہو سکتی ہو تو سکتی ہے کوئی بھی سُندر اتنی ساری نہیں ہو سکتی جانتے ہیں کہ پرائی ہے تُو تُو ہماری نہیں ہو سکتی عشق کا نشّہ چڑھا ہے یارو اب خُماری نہیں ہو سکتی روگ دیتے ہیں جو دل کو ارشد ان سے یاری نہیں ہو سکتی مرزا ارشد علی بیگ Mirza Arshad Ali Baig آڈبان پینسلوانیا Audubon Pennsylvania

یاد آتی ہے تو پلکوں کو بِھگو جاتی ہے ہاں محبّت نہیں کی جاتی یہ ہو جاتی ہے شب ہے تنہائی کی یا گوشۂ فُرقت کا سُکوت موت آتی ہے مرے پہلو میں سو جاتی ہے کِتنی ظالم ہے بَلا مغربی سرمایہ کی خُون کی فصل مری دھرتی پہ بو جاتی ہے ایک مدّت ہوئی بُھولا نہیں اُسکا چہرہ ایک تمثیل کہیں دُھند میں کھو جاتی ہے پیار کی پہلی نظر پڑتی ہے دل پر ارشد عُمر بھر کے لیے اک پھانس چُبھو جاتی ہے   مرزا ارشد علی بیگ Mirza Arshad Ali Baig آڈبان پینسلوانیا Audubon Pennsylvania دل کی ہر آرزو سُلا دینا ہو سکے تو مُجھے بُھلا دینا یاد آ جاۓ گر کبھی میری ایک لمحے کو مُسکرا دینا باتیں چاہت کی راز ہی رکھنا ہر کسی کو نہیں سُنا دینا شورِ محشر تُجھے قسم اُنکی سو رہا ہوں مجھے اُٹھا دینا لوگ کرتے ہیں دُشمنی ارشد کام اپنا ہے بس دُعا دینا مرزا ارشد علی بیگ Mirza Arshad Ali Baig آڈبان پینسلوانیا Audubon Pennsylvania

اِتنا بھی بُھول جانے کی عادت نہ تھی اُسے میں کیسے مان لُوں کہ محبّت نہ تھی اسے دُنیا سے چُھپ کے خواب میں مِلتے تھے روز ہم آنے کی میرے پاس اجازت نہ تھی اُسے معلوم تھا وہ راستہ بدلے گا ایک دن اتنی وضاحتوں کی ضرورت نہ تھی اُسے پچھتاوا عُمر بھر رہا اِک بات کا مجھے اپنے کیے پہ کوئی ندامت نہ تھی اُسے ارشد میں جوڑتا رہا دھاگے پریم کے رشتوں کو توڑنے میں قباحت نہ تھی اُسے مرزا ارشد علی بیگ Mirza Arshad Ali Baig آڈبان پینسلوانیا Audubon Pennsylvania

دِل کی دولت لُٹا چُکا کب کا جانے والا تو جا چُکا کب کا بس وہی مان جائے میں اُسکو اپنا سب کُچھ بنا چُکا کب کا ایک دھوکہ ہے خودفریبی ہے رازِ ہستی کو پا چُکا کب کا کیوں اُسے بُھولتا نہیں اے دل وہ تو تُجھ کو بُھلا چکا کب کا حشر کے منتظر ہیں بس ارشد صُور پھونکا بھی جا چکا کب کا مرزا ارشد علی بیگ Mirza Arshad Ali Baig آڈبان پینسلوانیا Audubon Pennsylvania

ادا ہوئے ہیں سب ہی ایک فرض باقی ہے ابھی تو مجھ پہ میری ماں کا قرض باقی ہے میرا علاج تیرا لمس ہے دوا  تو نہیں میرے طبیبِ ابھی میرا مرض باقی ہے کِسی بہانے سہی یاد کر تو لیتے ہیں رکھیں گے ربط وہ جب تک کہ غرض باقی ہے ہزار چاہے جو دُشمن مِٹا نہیں سکتا قیامت آنے تلک  پاک  ارض باقی ہے شُمار کیجئے ارشد کو خیر خواہوں میں میرے حُضور یہی ایک عرض باقی ہے مرزا ارشد علی بیگ Mirza Arshad Ali Baig آڈبان پینسلوانیا Audubon Pennsylvania

سُرخ اونٹ کے خریدار صل اللہ علیہ وسلم یثرب کے نخلستان میں اک قافلہ رُکا مِیلوں کے اک طویل سفر سے تھکا ہوا کُچھ زادِ راہ، مالِ تجارت تھا اُنکے ساتھ اک اونٹ سرخ رنگ کا لاۓ تھے اپنے ساتھ اس راستے سے پیارے نبی کا گُزر ہوا پوچھا کہ سُرخ اونٹ کی قیمت ہے کیا بھلا بن مول تول آپ نے سودا کیا یہ طے پکڑی مہار اونٹ کی اور گھر کو لے چلے تب قافلے والوں کو اچانک ہوا خیال بیچا ہے اونٹ ہم نے کیا نہ کوئی سوال ہم میں سے کوئی شخص انہیں جانتا نہیں کوئی بھی خریدار کو پہچانتا نہیں اس قافلے کے ساتھ تھی خاتون اک ذہِین ہُشیار ، ذی شعور، جہاں دیدہ اور فطِین سُن کر یہ شور قافلے والوں کا یوں کہا بِالکل نہ پریشان ہو کچھ بھی نہیں گیا ایسا حسین چہرہ تو دیکھا نہیں کبھی روشن یوں ماہتاب سا دیکھا نہیں کبھی دے دے اگر زُبان تو وعدہ وفا کرے مُمکن نہیں یہ شخص کِسی سے دغا کرے گُزری نہیں تھی رات ابھی آ  گیا پیام قِیمت کے ساتھ پہنچے صحابہ لئے طعام ہر لحظہ اک کمال ہے ہر اُن کی بات میں چرچا نبی کے حُسن کا ہے کائنات میں مرزا ارشد علی بیگ Mirza Arshad Ali Baig آڈبان پینسلوانیا Audubon Pennsylvania

دل کیا کرے کسی پہ اگر آ گیا ہے دل بنکر حسِیں خیال وہ دھڑکا گیا ہے دل اک گونہ چاہیے مجھے تنہائی رات دن شاید رفاقتوں سے بھی اُکتا گیا ہے دل تُو آ کے مرے سامنے خاموش بھی رہے آنکھوں سے راز دل کا ترے پا گیا ہے دل بے کیف ہو چلی ہیں زمانے کی راحتیں وعدہ ترے وصال کا بہلا گیا ہے دل دنیا میں امن عام کی کوئی سبیل ہو ہر روز نئی جنگ سے گھبرا گیا ہے دل آۓ نہ آپ  کتنے ہی موسم گُزر گئے اب کے بہار میں میرا کمہلا گیا ہے دل دیکھی ہے فلسطین کے بچے کی چشمِ نَم ارشد وہ ایک اشک جو تڑپا گیا ہے دل مرزا ارشد علی بیگ Mirza Arshad Ali Baig آڈبان پینسلوانیا Audubon Pennsylvania

شام اتر آئی تیری یاد کی خوشبو تھامے ہم نکل آئے کہ ہم اس سے لپٹ کر رو لیں Shaam Utar Aai Teri Yaad Ki Khushbo Thamay Hum Nikal Aaye Keh Hum Us Se Lipat Kar Ro Lein

پھول کی بات ستاروں کے بہانے لے کر میں کہاں جاؤں ترے خواب سہانے لے کر Phool Ki Baat Sitaron Ke Bahane Le Kar Main Kahan Jaoun Tere Khuwab Suhane Le Kar جس کی چاہت کے لیے میں نے زمانہ چھوڑا وہ مری راہ میں بیٹھا ہے زمانے لے کر Jis Ki Chahat Ke Liye Main Ne Zamana Choda Woh Meri Raah Mein Baitha Hai Zamane Le Kar

زندہ رہنے کو بھی لازم ہے سہارا کوئی کاش مل جائے غم ہجر کا مارا کوئی ہے تیری ذات سے مجھ کو وہی نسبت جیسے چاند کے ساتھ چمکتا ہو ستارہ کوئی کیسے جانو گے کہ راتوں کا تڑپنا کیا ہے تم سے بچھڑا جو نہیں جان سے پیارا کوئی ہم محبت میں بھی قائل رہے یکتائی کے ہم نے رکھا ہی نہیں دل میں دوبارہ کوئی سوچتی ہوں، تیرے پہلو میں جو بیٹھا ہو گا کیسا ہو گا وہ پری وش وہ تمہارا کوئی کون بانٹے گا مرے ساتھ مری تنہائی ڈھونڈ کے لا دو مجھے زیست سے ہارا کوئی عاصمہ فراز

یہ تِیرگی تو بہرحال چھَٹ ہی جائے گی نہ راس آئی ہمیں روشنی تو کیا ہو گا Yeh Tergi Tou Baharhaal Chatt Hi Jayegi Na Raas Aai Humain Roshni Tou Kia Hoga فارغ بخاری Farigh Bukhari

نگاہِ شوق میں آ پردہِ گماں سے نکل میں اپنی ذات سےنکلوں، تُو لا مکاں سےنکل بہت پکار چکا تجھ کو ہوش میں اب تو مقامِ وجد و فنا میں مری زُباں سے نکل تُوجانتا ہے مری پستیوں کو پھر بھی کبھی مری زمیں پہ اُتر اپنے آسماں سے نکل بھٹکتے پھرتے خیالوں کے ہاتھ آ ورنہ درِ یقیں سے اُتر، زیبِ داستاں سے نکل میں لفظ لفظ کہاں ڈھونڈتا پھروں تجھ کو مرے سکوت، مرے بے نوا بیاں سے نکل سُنا ہے، اب بھی وہیں میرے انتظار میں ہے جہاں سے تُو نے کہا تھا مجھے یہاں سے نکل احمد بشیر طاؔہر

تحفۂ ہجر دے کے آنکھوں کو اشک بن کر سما گیا کوئی افروز رضوی Tuhfa e hijr de ke ankhon ko Ashk ban kar sama gaya koi Afroz Rizvi

آیت سناؤ صبر کی کوئی قران سے ورنہ الجھ پڑوں گا میں سارے جہان سے وہ شام آج تک مرے سینے پہ نقش ہے اک شخص پھر گیا تھا جب اپنی زبان سے اک روز مجھ کو آ کے خبر دی تھی دھوپ نے محروم ہو گیا ہوں میں اک سائبان سے وہ بھی سفر میں تھک کے کہیں دور رہ گیا اور میں بھی چیخنے لگا اک دن تھکان سے احسن سلیمان

آنکھیں جن کو دیکھ نہ پائیں سپنوں میں بکھرا دینا جتنے بھی ہیں روپ تمہارے جیتے جی دکھلا دینا اب کی رت میں جب دھرتی کو برکھا کی مہکار ملے میرے بدن کی مٹی کو بھی رنگوں میں نہلا دینا دل دریا ہے، دل ساگر ہے، اس دریا، اس ساگر کی ایک ہی لہر کا آنچل تھامے ساری عمر بتا دینا آج کی رات کوئی بیراگن کسی سے آنسو بدلے گی بہتے دریا، اڑتے بادل جہاں بھی ہوں، ٹھہرا دینا جاتے سال کی آخری شامیں بالک چوری کرتی ہیں آنگن آنگن آگ جلانا گلی گلی پہرہ دینا اوس میں بھیگے شہر سے باہر آتے دن سے ملنا ہے صبح تلک سنسار رہے تو ہم کو جلد جگا دینا رئیس فروغ

مشکل بڑی تھی دشتِ محبت کی سَیر بھی اکھڑے تھے اس سفر میں کئی بار پَیر بھی تجھ سے کسی بھی ربط کی خواہش نہیں رہی جب دوستانہ ختم تو پھر ختم بَیر بھی ہر بار ایک رخ نیا آتا ہے سامنے وہ جتنا آشنا لگا، اتنا ہی غَیر بھی اچھا ہے، اس نے دکھ سے کنارہ کیے رکھا اچھے سے کاٹی عمر ہمارے بغیر بھی میری کسی بھی شب کو نہیں کر سکا بخیر مدت کے بعد بھیجا گیا شب بخیر بھی دونوں ہی ایک دوسرے کی ضد ہیں اور تم اک ساتھ مانگتے ہو محبت بھی، خَیر بھی کومل جوئیہ

‏مانی ہزار منتیں رد نہ ہوئی بلائے دل درد کچھ اور بڑھ گیا میں نے جو کی دوائے دل میری طرح خدا کرے تیرا کسی پہ آئے دل تو بھی جگر کو تھام کے کہتا پھرے کہ ہائے دل غنچہ سمجھ کے لے لیا، چُٹکی سے یوں مسل دیا ان کا تو اک کھیل تھا، لُٹ گیا میرا ہائے دل روندو نہ میری قبر کو، اس میں دبی ہیں حسرتیں رکھنا قدم سنبھال کر، دیکھو کُچل نہ جائے دل عاشقِ نامراد کی قبر پہ تھا لکھا ہوا جس کو ہو زندگی عزیز، وہ نہ کہیں لگائے دل پوچھتے کیا ہو میرے غم ملتے ہیں بیوفا صنم چھوڑو بُتوں کی دوستی، دیتا یہی ہے رائے دل مرزا داغ دہلوی

عیش منزل ہے غریبان محبت پر حرام سب مسافر ہیں بظاہر نظر آتے ہیں مقیم   Aish e manzil hai ghareeban e muhabat par haraam Sab musafir hain bazahir nazar atay hain muqeem

ھمارے ساتھ ٫ کوئی بیٹھ کر نہیں رویا سبھی نے جان چُھڑائی ٫ دُعائیں دیتے ھٗوئے Hamare Saath , Koi Baith Kar Nahi Roya Sabhi Ne Jaan Chudaai , Duaein Daite Hoe

ہم تجھ سے دُور اور ترے آس پاس لوگ یُوں کب تلک جئیں گے بھلا ہم اُداس لوگ Hum Tujh Se Door Aur Tere Aas Paas Log Yun Kab Talak Jaeingy Bhala Hum Udas Log مطلب نہ ہو تو کیسے ملیں اور کیوں ملیں ہم جیسے عام لوگوں سے تُم جیسے خاص لوگ Matlab Na Ho Tou Kaise Milein Aur Kion Milein Hum Jaise Aam Logon Se Tum Jaise Khaas Log  

لمحہ لمحہ ہر گھڑی ہے عاشقی آزمائش بھی کڑی ہے عاشقی جس طرف سے جائیے ان کی گلی سارے رستوں میں کھڑی ہے عاشقی اب تو کوئی کام بھی ہوتا نہیں جب سے پائوں میں پڑی ہے عاشقی میں گرفتارِ وفا ہوں، قید ہوں گویا کو ئی ہتھکڑی ہے عاشقی خوشبوئیں یہ چار سو پھیلی ہوئی اور پھولوں کی لڑی ہے عاشقی اب وہ مجنوں ہیں، وہی فرہاد ہیں ناک پر جن کے لڑی ہے عاشقی زیؔب دیوانوں کا ہے جمِ غفیر اس علاقے میں بڑی ہے عاشقی انور زیؔب انور

 پہلا سا حال، پہلی سی وحشت نہیں رہی شاید کہ تیرے ہجر کی عادت نہیں ﺭہی لوگوں میں میرے لوگ، وہ دلداریوں کے لوگ بچھڑے تو دُور دُور رقابت نہیں ﺭہی ناموں میں ایک نام سوال آشنا کا نام اب دل پہ ایسی کوئی عبارت نہیں ﺭہی خوابوں میں ایک خواب، تری ہمرہی کا خواب اب تجھ کو دیکھنے کی بھی صورت نہیں ﺭہی باتوں میں ایک بات، تیری چاہتوں کی بات اور اب یہ اِتّفاق کہ چاہت نہیں ﺭہی سنّاٹا بولتا ہے صدا مت لگا نصیرؔ آواز رہ گئی ہے، سماعت نہیں ﺭہی

“میں خوش نہیں ہوں” وہ شخص جب سے جدا ہوا ہے، میں خوش نہیں ہوں نجومیو تم نے سچ کہا ہے، میں خوش نہیں ہوں میرے مسائل کی تو کسی کو خبر نہیں ہے مگر یہ ہر شخص جانتا ہے، میں خوش نہیں ہوں جو مجھ سے کہتا تھا، خوش رہوں گا بچھڑ کے تجھ سے اسی نے کل فون پر کہا ہے میں خوش نہیں ہوں سعید وہ بھی میری طرح ہے اداس شاید اسے کسی نے بتا دیا ہے، میں خوش نہیں ہوں

کسی کی یاد میں ایسا بھی حال کیا کرنا کہ جو ملا نہیں اس کا ملال کیا کرنا اب ایسا کیا ہوا، تم جان ہار بیٹھی ہو ذرا سے ہجر میں خود کو نڈھال کیا کرنا اسے بھلانا بڑی بات تو نہیں پھر بھی اسے بھلانے کا کوئی کمال کیا کرنا  

قاتلوں کو آزمانا چاہیے زیر خنجر مسکرانا چاہیے دوستو ہم کو سمجھنے کے لیے اب بھی تم کو اک زمانہ چاہیے ہم نے مانا، رنجشیں ہیں اب تلک پر بلانے پر تو آنا چاہیے زندگی بھی کچھ گریزاں ہم سے ﮬﮯ اور ہم کو بھی بہانہ چاہیے جو سمجھتے ہیں حسیں خود کو بہت آئینہ ان کو دکھانا چاہیے

محبت ہی فقط یہ منفرد اعزاز رکھتی ہے زمیں پر ہے مگر تا آسماں پرواز رکھتی ہے نہ یہ آغاز کی قائل نہ یہ انجام سے خائف یہ سب سے مختلف ہے، مختلف انداز رکھتی ہے محبت کی بدولت آدمی انسان کہلائے یہی خوبی اسے مخلوق میں ممتاز رکھتی ہے اسی کی گنگناہٹ سے چمن میں پھول کھلتے ہیں یہی دل میں اجالا، دھڑکنوں میں ساز رکھتی ہے  

زے حال مسکیں مکم برنجش بہ حال ہجراں بیچارہ دل ہے سنائی دیتی ہے جس کی دھڑکن، تمہارا دل یا ہمارا دل ہے Ze haal e miskeen makum ba ranjish ba haal e hijran bechara dil hai Sunaiy deti hai jis ki dhadkan tumhara dil ya hamara dil hai

اداۓ عِشق دِکھلا کر نگاہِ یار میں رہنا تُجھی سے گُفتگو رکھنا، تیری سرکار میں رہنا Ada e ishq dikhhla kar nigah e yar mein rehna Tujhi se guftugu rakhna, teri sarkar mein rehna   کبھی چوکھٹ پہ سر رکھنا، کبھی سجدے میں دِل رکھنا مُجھے درکار ہے یُوں ہی تیری سرکار میں رہنا Kabhi chaukhhat pe sar rakhna, kabhi sajde mein dil rakhna Mujhe darkar hai youn hi teri sarkar mein rehna

اس سے بڑھ کر بھی کیا سزا ہے کوئی ہم زباں ہے نہ ہمنوا ہے کوئی یہ تو شیوہ ہے ہم فقیروں کا ورنہ غم بھی خریدتا ہے کوئی کتنی تلخی ہے تیرے لہجے میں حال دل یوں بھی پوچھتا ہے کوئی کچھ سبب تو ضرور ہے ورنہ گھر کا رستہ بھی بھولتا ہے کوئی ہو گی اس کی بھی کوئی مجبوری ورنہ خوابوں کو بیچتا ہے کوئی جانے کیوں شہر اتنا دشمن ہے حق پرستی بھی کیا خطا ہے کوئی اس کو شاید ڈسا ہے انساں نے ورنہ سانپوں کو پالتا ہے کوئی صورت خواب میری آنکھوں میں سو بھی جاؤں تو جاگتا ہے کوئی یونس فریدی Is se badh kar bhi kia saza hai koi Hum zuban hai, na humnawa hai koi Ye to sheva hai hum faqeeron ka Warna gham bhi khareedta hai koi Kitni talkhi hai tere lehje mein Haal e dil youn bhi poochta hai koi Kuch sabab to zarur hai warna Ghar ka rasta bhi bhoolta hai koi Ho gi us ki bhi koi majboori Warna khabon ko bechta hai koi Jane kyun shehr itna dushman hai Haq parasti bhi kia khataa hai koi Us ko shayed dasa hai insan ne Warna sanpon ko paalta hai koi Soorat e khwab meri ankhon mein So bhi jaoun to jagta hai koi Younas Faridi