HIJAR

Woh Azam Ho Keh Manzil e Bedar Hans Paday Har Naqsh Paa Jurat Rahwar Hans Paday Ab Ke Baras Bahar Ki Soorat Badal Gai Zakhmon Mein Aag Lag Gai Gulzar Hans Paday Us Dastan Dard Ki Tamheed Aap Hein Jis Dastan e Dard Peh Gha-Khuwar Hans Paday Hairan Ho Rahi Hai Shagofay Peh Chandni Shayed Qafas Peh Aaj Giraftar Hans Paday Lut Jaye Tere Nam Se Har Talkhi e Jafa Woh Kam Kar Keh Be-Kas o Nadar Hans Paday Mere Junoon Ne Aaj Woh Sajdah Ada Kia Butt-Khana Hayat Ke Aasaar Hans Paday Phir Shadmaan Hoe Hein Kharaby Hayat Ke SAGHAR Kisi Ke Gaisoo e Khamdar Hans Paday   Poet:Saghar Siddiqui Kulyat e Saghar Page No 253-154

Zulfon Ki Ghataein Pee Jao Woh Jo Bhi Pilaein Pee Jao Ae Tishnah Dhan e Jor e Khizan Phoolon Ki Adaein Pee Jao Tareeki Dauran Ke Maaro Subhon Ki Ziaein Pee Jao Naghmaat Ka Ras Bhi Nasha Hai Barabt Ki Sadaein Pee Jao Makhmoor Sharabon Ke Badly Rangeen Khataein Pee Jao Ashkon Ka Machalna Theek Nahi Be-Chain Duaein Pee Jao Ihsaas Ke Tooty SAGHAR Mein Yaaron Ki Wafaein Pee Jao   Poet:Saghar Siddiqui Kulyat e Saghar Page No 251-252

Rah-Guzar Ke Charagh Hein Hum Log Aap Apna Suragh Hein Hum Log Jal Rahe Hein Na Bujh Rahe Hein Dast Kisi Seeny Ka Dagh Hein Hum Log Khud-Tahi Hain Magar Pilate Hein Mai-Kaday Ke Iyagh Hein Hum Log Dushmanon Ko Bhi Dost Kehte Hein Kitne Aali Demagh Hein Hum Log Chashm e Tahqeer Se Na Daikh Humain Damanon Ka Faragh Hein Hum Log Aik Jhonka Naseeb Hai SAGHAR Us Gali Ke Charagh Hein Hum Log   Poet:Saghar Siddiqui Kulyat e Saghar Page No 250

Woh Bulaein Tou Kia Tamasha Ho Hum Na Jaein Tou Kia Tamasha Ho Yeh Kinaron Se Khailny Wale Doob Jaein Tou Kia Tamasha Ho Bandah Parwar Jo Hum Peh Guzri Hai Hum Bataein Tou Kia Tamasha Ho Aaj Hum Bhi Teri Wafaoun Par Muskuraein Tou Kia Tamasha Ho Teri Soorat Jo Itefaq Se Hum Bhool Jaein Tou Kia Tamasha Ho Waqt Ki Chand Sa'atein SAGHAR Laot Aaein Tou Kia Tamasha Ho   Poet:Saghar Siddiqui Kulyat e Saghar Page No 249

Mangi Hai Is Diyar Mein Donon Jahan Ki Bheek Lekin Mili Humain Dil e Na-Kamran Ki Bheek Aise Bhi Rah e Zeest Mein Aaye Kai Muqam Mangi Hai Paa e Shouq Ne Azm e Jawaan Ki Bheek Be-Noor Ho Gai Hein Sitaron Ki Bastiyan Saqi A'ata Ho Badah e Shoula-Fishan Ki Bheek Ab Aur Kia Taghayur o Taqdeer Chahiye Jholi Mein Dal Di Tere Nam o Nishan Ki Bheek Khud Bik Gaye Hayat Ki Neelam-Gaah Mein Woh Bant'ty Thay Jo Kabhi Kon o Makan Ki Bheek Do Chaar Patiyun Peh Hai Ranjish Bahar Se Saael Ne Mang Li Hai Kahan Gulistan Ki Bheek ALLAH Unke Naqsh e Kaf e Paa Ki Khair Ho Zarron Ko Dy Gaye Jo Mah o Kehkeshan Ki Bheek SAGHAR Khusha Keh Gohar e Umeed Pa Lia Qismat Se Haath Aai Gham e Dostan Ki Bheek   Poet:Saghar Siddiqui Kulyat e Saghar Page No 247-248

Phool Jalty Hein Haar Jalty Hein Chandni Ke Mazar Jalty Hein Ae Musawer ! Yeh Kia Tamasha Hai Rang Se Shahkaar Jalty Hein Rokiye Be-Qarar Ka Kal Ko Daikhiye ! Lalazar Jalty Hein Muddaton Se Hai Sard Mai-khana Der Se Megsaar Jalty Hein Tere Aanchal Ki Mast Chhaoun Mein Be-Khudi Ke Dayar Jalty Hein Kuch Patangy Charagh Ki Lao Par Kitne Be-Ikhtiyar Jalty Hein Fikar SAGHAR Ki Sargarmiyan Mat Pooch Is Chita Mein Nigaar Jalty Hein   Poet:Saghar Siddiqui Kulyat e Saghar Page No 245-246

Rahzan Aadmi Rahnuma Aadmi Barhaa Ban Chuka Hai Khuda Aadmi Haaye Takhleeq Ki Kar Pardaziyan Khaak See Cheez Ko Keh Diya Aadmi Khul Gaye Jannaton Ke Wahan Zaaechay Do Qadam Jhoom Ke Jab Chala Aadmi Zindagi Khanqah e Shahood o Baqa Aur Loh e Mazar e Fana Aadmi Subah Chand Ki Rukhsati Ka Samaan Jis Tarah Bahar Mein Doobta Aadmi Kuch Fareshton Ki Taqdees Ke Wastay Seh Gaya Aadmi Ki Jafa Aadmi Goonjti Hi Rahegi Falak Dar Falak Hai Maseeyat Ki Aisi Sada Aadmi Aas Ki Mooratein Poojty Poojty Aik Tasweer See Ban Gaya Aadmi   Poet:Saghar Siddiqui Kulyat e Saghar Page No 243-244

Jalway Machal Rahe Hein Nazaron Ki Aag Mein Kuch Phool Jal Rahe Hein Baharon Ki Aag Mein Aasheetgai Se Choor Hein Zulfon Ki Badliyan Saqi Sharaab Dal Chinaron Ki Aag Mein Palkon Mein Bheegi Bheegi Hein Kajly Ki Dhariyan Shabnam Mehik Rahi Hai Shararon Ki Aag Mein Gar Mai Nahi Tou Piyar Ke Do Bol Hi Sahi Kuch Tou Kami Ho Badah-Gusaron Ki Aag Mein ALLAH Re Yaqeen e Muhabbat Ki Dastan Daman Sulag Raha Hai Sitaron Ki Aag Mein Kehti Hein Na-Khuda Se Yeh Sochon Ki Shorashein Tere Bhi Mashware Thay Kinaron Ki Aag Mein SAGHAR Raheingy Ronaq e Bazar Aarzoo Asha'ar Jo Kahe Hein Nigaron Ki Aag Mein   Poet:Saghar Siddiqui Kulyat e Saghar Page No 241-242

Sab Se Tera Karam Ghaneemat Hai Jo Guzar Jaye Dum Ghaneemat Hai Aap Subah e Bahar Le Jaein Mujh Ko Shaam e Alam Ghaneemat Hai Khuwahishon Ki Paristashein Touba Aadmi Ka Bharam Ghaneemat Hai Itni Dushwar Tou Nahi Manzil Zulf e Janaan Ka Kham Ghaneemat Hai Is Taqadus Ke Qahat Mein Yaaro Unka Naqsh e Qadam Ghaneemat Hai Talkhi e Kaaenaat Hai Dil Mein Jaam Mein Hi Sitam Ghaneemat Hai Shabnami Shabnami Fizaoun Mein Daolat e Chasham e Nam Ghaneemat Hai   Poet:Saghar Siddiqui Kulyat e Saghar Page No 239

Mata'a e Dil Se Khali Ho Gaye Hein Tere Dar Ke Sawali Ho Gaye Hein Nazar Majrooh Nazaron Se Daikhi Hawadis Kuch Khayali Ho Gaye Hein Chalo Ae Bulbulo Is Gulistan Se Yahan Sayaad Mali Ho Gaye Hein Tumare Gaisoun Ki Tergi Se Andhre Bhi Jamaali Ho Gaye Hein Humare Dagh e Dil Ke Tarjuman Hein Sitare Meer o Haali Ho Gaye Hein Hazar Walwaly SAGHAR Chaman Mein Khizaan Ke Khushk Daali Ho Gaye Hein   Poet:Saghar Siddiqui Kulyat e Saghar Page No 238

Aawaargi Barang e Tamasha Buri Nahi Zaoq Nazar Mily Tou Yeh Dunya Buri Nahi Kehte Hein Teri Zulf e Pareshan Ko Zindagi Ae Dost Zindagi Ki Tamanna Buri Nahi Hai Na-Khuda Ka Meri Tabahi Se Wasta Main Janta Hon Neeyat e Darya Buri Nahi Jab Zindagi Ko Mil Na Saka Zarfashan Kafan Zaoq e Fana Ko Chadar e Sahra Buri Nahi Acha Hoa Keh Manzil e Hasti Se Door Hein Kuch Rah o Rasam Khizar o Maseeha Buri Nahi SAGHAR Ke Saath Chal Ke Kabhi Main Bhi Sun Chuka Wallah Hadees e Badah o Meena Buri Nahi   Poet:Saghar Siddiqui Kulyat e Saghar Page No 237

Tum Ne Jo Chaha Woh Dunya Ban Gai Daikhiye ! Phoolon Ka Gajra Ban Gai Raat Yun Kuch Maael e Naghma Tha Dil Chandni Saaz e Tamanna Ban Gai Jab Kisi Soorat Na Unwan Mil Saka Aarzoo Be-Nam Sahra Ban Gai Mouj e Darya Mein Nahi Hai Kuch Farq Mouj Lahraai Tou Darya Ban Gai Tod Dein Ya Hum Isay Rakh Lein Huzoor Zindagi Muflis Ka Kasah Ban Gai Mere Jaam e Mai Se Ud Kar Ik Cheent Subah Ke Maathay Ka Qashqah Ban Gai Zindagi Ki Baat SAGHAR Kia Kahein Ik Tamanna Thi Taqazah Ban Gai Poet:Saghar Siddiqui Kulyat e Saghar Page No 235-236

Baat Phoolon Ki Suna Karte Thay Hum Kabhi Shair Kaha Karte Thay Masha'alein Le Ke Tumhare Gham Ke Hum Andheron Mein Chala Karte Thay Ab Kahan Aisi Tabia'at Wale Chout Kha Kar Jo Dua Karte Thay Tark e Ihsaas e Muhabbat Mushkil Haan Magar Ahl e Wafa Karte Thay Bikhri Bikhri Hoi Zulfon Wale Qafly Rok Lia Karte Thay Aaj Gulshan Mein Shagofay SAGHAR Shikwa e Bad e Saba Karte Thay   Poet:Saghar Siddiqui Kulyat e Saghar Page No 234

Kuch Kaif e Sahar Hai Na Mujhe Shaam Ka Nasha Hai Mere Liye Badah e Be-Nam Ka Nasha Aankhon Se Chalakty Hoe Irfan Ke Tarany Zulfon Se Barasta Hoa Ilham Ka Nasha Har Gaam Larazty Hoe Tadbeer Ke Paikar Taqdeer Ki Aankhon Hai Aalaam Ka Nasha Har Dil Mein Tadapty Hoe Arman Ki Kahani Har Aankh Mein Khoon e Dil Na-Kaam Ka Nasha Phir Doob Gaya Gaisoo e Janaan Ki Mehik Mein Do Din Tou Raha Gardish e Ayyaam Ka Nasha Hein Sheesha o SAGHAR Ke Rang Yahan Anokhy Hai Aik Yahan Badah o Gulfaam Ka Nasha   Poet:Saghar Siddiqui Kulyat e Saghar Page No 233

Surahi Jaam Se Takrayiye Barsaat Ke Din Hain Hadees e Zindagi Duhrayiye Barsaat Ke Din Hain Safeena Le Chala Hai Kis Mukhalif Simat Ko Zalim Zara Mallah Ko Samjhayiye Barsaat Ke Din Hain Kisi Pur-Noor Tuhmat Ki Zaroorat Hai Ghataoun Ko Kahein Se Mehwashon Ko Layiye Barsaat Ke Din Hain Tabeea'at Gardish e Dauran Ki Ghabraai Hoi See Hai Pareshan Zulf Ko Suljhayiye Barsaat Ke Din Hain Baharein In Dinon Dast e Bayaban Mein Bhi Aati Hain Faqeeron Par Karam Farmayiye Barsaat Ke Din Hain Yeh Mousam Shorish e Jazbaat Ka Makhsoos Mousam Hai Dil Nadaan Ko Behlayiye Barsaat Ke Din Hain Suhane Aanchalon Ke Saaz Par Asha'ar SAGHAR Ke Kisi Be-Chain Dhun Mein Gayiye Barsaat Ke Din Hain   Poet:Saghar Siddiqui Kulyat e Saghar Page No 231-232

  Faryad Ke Taqazay Hein Naghma Sukhan Mein Alfaaz So Gaye Hein Kaghaz Ke Paihan Mein Har Aan Das Rahi Hain Mazi Ki Talakh Yaadein Mahsoos Kar Raha Hon Bechargi Watan Mein Tukda Koi Aata Ho Ihram Bandagi Se Sorakh Pad Gaye Hein Ikhlas Ke Kafan Mein Ae Pasban e Gulshan Tujh Ko Khabar Nahi Hai Shouly Bhdak Rahe Hein Phoolon Ki Anjuman Mein Ae Yaar Tere Gham Se Fursat Agar Mili Tou Tabdilian Karonga Is Aalam e Kuhan Mein Daikha Hai Main Ne Dil Ki Be-Tabiyun Ka Manzar Ik Toot'ty Kali Mein , Ik Doobti Kiran Mein   Poet:Saghar Siddiqui Kulyat e Saghar Page No 230

Jab Gulistan Mein  Baharon Ke Qadam Aate Hein Yaad Bhooly Hoe Yaaron Ke Karam Aate Hein Log Jis Bazam Mein Aate Hein Sitare Le Kar Hum Usi Bazam Mein Ba-Deedah e Nam Aate Hein Main Woh Ik Rind Kharabaat Hon Mai-Khane Mein Mere Sajday Ke Liye Saghar e Jim Aate Hein Ab Mulaqaat Mein Woh Garmi e Jazbaat Kahan Ab Tou Rakhne Woh Muhabbat Ka Bharam Aate Hein Qurb e Saqi Ki Wazahat Tou Badi Mushkil Hai Aise Lamhe Thay Jo Taqdeer Se Kam Aate Hein Main Bhi Jannat Se Nikala Hoa Ik Butt Hi Tou Hon Zaoq e Takhleeq Tujhe Kaise Sitam Aate Hein Chashm e SAGHAR Hai Ibadat Ke Tasawar Mein Sada Dil Ke Ka'abay Mein Khayalon Ke Sanam Aate Hein   Poet:Saghar Siddiqui Kulyat e Saghar Page No 228-229

Band Gar Ho Na Tera Khumyazah Bhook Hai Zindagi Ka Darwazah Charah-Gar Bankpan Mubarak Ho Zakhm e Dil Ho Gaye Taro-Tazah Pooch Lo ! Turbaton Ke Katbon Se Dy Rahi Hai Hayat Aawazah Sahil e Aarzoo Se Karte Hein Hasraton Ke Bhanwar Ka Andazah Chand Ghazlon Ke Roop Mein SAGHAR Paish Hai Zindagi Ka Sherazah   Poet:Saghar Siddiqui Kulyat e Saghar Page No 227

Teri Zulfon Ke Phool Murjhaye Ishq Ki Bandagi Ke Kam aaye Subah Tere Jalo Mein Roshan Hai Mere Humraah Shaam Ke Saaye Be-Sada Hai Taranah e Mansool Uqda Daar Kon Suljhaye Roshni Thi Tou Door Thay Kuch Log Ab Andheron Mein Dhoondne Aaye Mout Ki Goonjti Hawaoun Mein Hum Ne Naghmay Hayat Ke Gaye Dagh e Dil Thay Ziayaoun Ki Tafseer Tazkire Mahtaab Ke Aaye Is Darendon Ki Bheed Mein SAGHAR Kaash Insan Koi Kehlaye   Poet:Saghar Siddiqui Kulyat e Saghar Page No 225-226

Ghunchay Fiza e Nou Mein Giraftar Ho Gaye Kuch Phool Apne Rang Se Be-Zaar Ho Gaye Kitne Tasawaraat Hawaoun Mein Ud Gaye Kitne Khayal Saaya e Deewar Ho Gaye Shibli Ka Phool Jazba e Mansoor Ki Sada Raah e Wafa Mein Tegh Ki Jhankar Ho Gaye Dhalti Rahein Shuor Mein Taron Ki Tabishein Ik Jaam Pee Ke Sahib e Israr Ho Gaye Hum Be-Kason Ko Chand Ke Kirnon Se Wasta Zulfon Ko Chho Lia Tou Khata-Kaar Ho Gaye Dil Ki Chubhan Ne Kaif e Tamanna Badha Diya Kanty Bhi Aaj Soorat e Gulzar Ho Gaye Parwane Ban Gaye Hein Chanbaili Ki Nikhatein Kia Daikhna Keh Subah Ke Aasaar Ho Gaye SAGHAR Ka Bijliyun Ne Samaan Aur Kar Diya Hum Zulmaton Se Khail Ke Anwaar Ho Gaye   Poet:Saghar Siddiqui Kulyat e Saghar Page No 223-224

Waqt Ke Rangeen Guldasty Ko Yaad Aaye Ga Thanda Haath Jab Bikhreingy Woh Gaisoo Tou Mar Jaega  Thanda Haath Bheegi Palkein , Soch Ki Uljhan , Daman Thamy Soch Rahi Hein Kab Tak Tar e Gareban Yaaro Suljhayega Thanda Haath Saaz e Taghazul Chaidne Walo ! Ae Afsane Lekhne Walo Aaj Lakeeron Ki Tafseerein Duhraye Ga Thanda Haath Garam Lahoo Ki Boondein Boein , Tanhaai Ki Matti Dalein Pat-Jhad Aaye In Shakhon Par Ug Aayega  Thanda Haath Pathar Pathar Jot Jaly Gi , Sahil Sahil Shouly Hongy Bheegi Bheegi Sard Hawa Mein Sharmayega Thanda Haath Bagh Ke Mali ! Mere Ghunchay Ghairon Ne Pamaal Kiye Phir Bhi Teri Pholwari Ko Mehkaye Ga  Thanda Haath   Poet:Saghar Siddiqui Kulyat e Saghar Page No 222

Jab Tasawar Mein Jaam Aate Hein Aabtabi Muqam Aate Hein Yun Chatakhty Hein Shakh Par Ghunchay Jaise Unko Salaam Aate Hein Dil Ki Nadaniyun Peh Ghor Na Kar Khotay Sikkay Bhi Kam Aate Hein Chand Lamhaat Nojawani Mein Wajib u Ehteram Aate Hein Manzil Ishq Mein Khird Wale Siraf Do Chaar Gaam Aate Hein Dastan e Hayat Mein SAGHAR Be-Wafaoun Ke Nam Aate Hein   Poet:Saghar Siddiqui Kulyat e Saghar Page No 221

Ae Husn Lala Faam ! Zara Aankh Tou Mila Khaali Paday Hein Jaam ! Zara Aankh Tou Mila Kehte Hein Aankh Aankh Se Milna Hai Bandagi Dunya Ke Chodh Kam ! Zara Aankh Tou Mila Kia Woh Na Aaeingy Taron Ke Saath Saath Tanhaiyun Ke Shaam ! Zara Aankh Tou Mila Ye Jaam , Yeh Saboo , Yeh Tasawar Ki Chandni Saqi Kahan Mudaam ! Zara Aankh Tou Mila Saqi Mujhe Bhi Chahiye Ik Jaam e Aarzoo KitneLageingy Daam ! Zara Aankh Tou Mila Pamaal Ho Na Jaye Sitaron Ki Aabroo Ae Mere Khush-Khiraam ! Zara Aankh Tou Mila Hein Rah e Kehkeshan Mein Azal Se Khadi Hoe SAGHAR Tere Ghulam ! Zara Aankh Tou Mila   Poet:Saghar Siddiqui Kulyat e Saghar Page No 219-220

Jor o Sitam Ki Rasmein Taqreeb Ban Gai Hein Ab Bazm e Zindagi Mein Ahl e Wafa Nahi Hein Har Saaz Ki Nawa Par Pehre Lagy Hoe Hein Is Wadi e Mahan Mein Naghmay Rawa Nahi Hein Faqon Se Zard Chehre Na-Kamiyun Ke Lashay Ye Log Faiz-Yaab e Latf e Khuda Nahi Hein   Poet:Saghar Siddiqui Kulyat e Saghar Page No 218

Main Keh Aasheefta o Ruswa Sar e Bazar Hoa Chaak e Damaan Ka Tamasha Sar e Bazar Hoa Teri Asmat Ki Tejarat Pas e Deewar Sahi Meri Taqdeer Ka Saoda Sar e Bazar Hoa Phir Koi Ahl e Junoon Daar Peh Chadh Jaye Ga Phir Tere Husn Ka Charcha Sar e Bazar Hoa Hum Ne Rakha Hai Usay Dil Ke Makan Mein Barson Jo Kabhi Hum Se Shanasa  Sar e Bazar Hoa Marhaly Deed Ke Dushwar Thay Lekin SAGHAR Manzil e Toor Ka Jalwah Sar e Bazar Hoa   Poet:Saghar Siddiqui Kulyat e Saghar Page No 217

Kuch Log Bicha Kar Kanton Ko Gulshan Ki Tawaku Rakhty Hein Shoulon Ko Hawa Dy Dy Kar Savan Ki Tawaku Rakhty Hein Mahol Ke Tapty Sahra Se , Halaat Ki Ujdi Shakhon Se Hum Ahl e Junoon Phoolon Se Bhare Daman Ki Tawaku Rakhty Hein Jab Sab Asasa Lut Jaye Taskeen e Safar Ho Jati Hai Hum Rahnumaoun Ke Badly Rahzan Ki Tawaku Rakhty Hein Sangeen Chatanon Se Dil Ke Dukhny Shikayat Karte Hein Zulmat Ke Nagir Mein Noorani Aangan Ki Tawaku Rakhty Hein Woh Gaisoo e Janaan Hon SAGHAR Ya Gardish Dauran Ke Saaye Ae Waaye Muqadar Donon Se Uljhan Ki Tawaku Rakhty Hein   Poet:Saghar Siddiqui Kulyat e Saghar Page No 212

Taghayuraat Se Dunya Singaar Karti Hai Yeh Chand Tod Ke Jhoomar Mein Rang Bharti Hai Usi Kali Se Hai Tareekh Gulistan Roshan Jo Baghban Ke Lahoo Se Zara Nikharti Hai Jise Na Zehar Junoon Ki Zara See Chat Lagy Woh Be-Shour Muhabbat Zaroor Marti Hai Dilon Ke Bujhtay Charaghon Ko Noor Daiti Hai Woh Tergi Jo Tere Zulf Se Bikharti Hai Humari Janat Takhayul Se Guzar Jaye Bahar Ban Ke Qayamat Agar Guzarti Hai Tuloo e Mehar Tere Aastaan Peh Hota Hai Kiran Kiran Teri Dahleez Par Utarti Hai   Poet:Saghar Siddiqui Kulyat e Saghar Page No 216

Sitam Jagty Hein Karam So Rahe Hein Muhabbat Ke Jah o Hasham So Rahe Hein Mare Nuqta-Saazo ! Sukhan Ke Khudao ! Pukaro Keh Loh o Qalam So Rahe Hein Wahan Chandni Ke Qadam Dolty Hein Jahan Tere Naqsh e Qadam So Rahe Hein Har Ik Zehan Mein Hai Khudai Ka Da'awa Har Ik Aasteen Mein Sanam So Rahe Hein Yahan Khuwab e Rahat Faraib Yaqeen Hai Na Tum So Rahe Ho Na Hum So Rahe Hein Meri Ujdi Ujdi See Aankhon Mein SAGHAR Zamane Ke Ranj o Alam So Rahe Hein   Poet:Saghar Siddiqui Kulyat e Saghar Page No 215

Chasham e Saqi Ki Inayaat Peh Pabandi Hai In Dinon Waqt Peh Halaat Peh Pabandi Hai Bikhri Bikhri Hoi Zulfon Ke Fasany Chaido Mai-Kasho ! Ahd e Kharabaat Peh Pabandi Hai Dil Shikan Ho Ke Chale Aaye Teri Mehfil Se Teri Mehfil Mein Tou Har Baat Peh Pabandi Hai Dard Utha Hai Lahoo Ban Ke Uchalny Ke Liye Aaj Kehte Hein Keh Jazbaat Peh Pabandi Hai Har Tamanna Hai Koi Doobta Lamha Jaise Saaz Maghmoom Hen , Naghmaat Peh Pabandi Hai Kehkeshan Baam e Suraya Ke Taly Soi Hai Chand Be-Rang Sa Hai , Raat Peh Pabandi Hai Aag Seenon Mein Lagi , SAGHAR o Meena Chalky Koi Kehta Tha  Keh Barsaat Peh Pabandi Hai   Poet:Saghar Siddiqui Kulyat e Saghar Page No 213-214

Allah Rey Us Chashm e Inayaat Ka Jadoo Ta Umar Raha Husn e Mulaqaat Ka Jadoo Ma'alom Na Tha Sahar Gazeedgan e Wafa Ko Subhon Ke Pas e Pardah Hai Zulmaat Ka Jadoo Aankhon Mein Rawaan Kousar o Tasneem Ka Mantar Zulfon Mein Nahan Shaam e Kharabaat Ka Jadoo Aata Ho Jise Rasm e Muhabbat Ka Wazeefa Chalta Nahi Is Par Gham e Halaat Ka Jadoo Barbat Ka Jigar Cheer Gai Taar Ki Faryaad Mutrib Peh Asar Kar Gaya Naghmaat Ka Jadoo Lehraaye Woh Gaisoo Keh Uthein Gham Ki Ghataein Ashkon Ki Jhadhi Ban Gai Barsaat Ka Jadoo Hum Sahir e Aqleem e Sukhan Ban Gaye SAGHAR Is Dhab Se Jagaya Hai Khayalaat Ka Jadoo   Poet:Saghar Siddiqui Kulyat e Saghar Page No 210-211

Teri Dunya Mein Ya Rab Zeest Ka Saman Jalty Hein Faraib e Zindagi Ki Aag Ki Aag Mein Insan Jalty Hein Dilon Mein Azmat e Toheed Ke Deepak Fasurda Hein Jabeenon Par Riya o Kabar Ke Farman Jalty Hein Hawas Ki Baryabi Hai Khiradmandon Ki Mehfil Mein Roo Pehli Tikiyun Ki Aot Mein Emaan Jalty Hein Hawadis Raqs Farma Hein , Qayamat Muskurati Suna Hai Na-Khuda Ke Nam Se Toofan Jalty Hein Shagofay Jholty Hein Is Chaman Mein Bhook Ke Jhooly Baharon Mein Nasheman Tou Bahar Unwan Jalty Hein Kahein Paazeb Ki Chan Chan Mein Majboori Tadapti Hai Riya Dum Tod Daiti Hai Sunehre Daan Jalty Hein Manao Jishan e Mai-Noshi , Bakhero Zulf e Mai-Khanah ! Ibadat Se Tou SAGHAR Dahar Ke Shaitan Jalty Hein   Poet:Saghar Siddiqui Kulyat e Saghar Page No 208-209

Manzil e Gham Ki Fizaoun Se Lipat Kar Ro Loon Tere Daman Ki Hawaou Se Lipat Kar Ro Loon Jaam e Mai Peeny Se Pehle Mera Jee Chahta Hai Bikhri Zulfon Ki Ghataoun Se Lipat Kar Ro Loon Zard Ghunchon Ki Nigahon Mein Nigahein Daloon Surkh Phoolon Ki Qubaoun Se Lipat Kar Ro Loon Aany Wale Tere Rastay Mein Bichaoun Aankhein Jany Wale Tere Pavon Se Lipat Kar Ro Loon Apne Majboor Taqaddus Ke Sahare SAGHAR Der o Ka'abah Ke Khudaoun Se Lipat Kar Ro Loon   Poet:Saghar Siddiqui Kulyat e Saghar Page No 207

Azmat e Zindagi Ko Baich Diya Hum Ne Apni Khushi Ko Baich Diya Chashm e Saqi Ke Ik Ishare Par Umar Ki Tishnagi Ko Baich Diya Rind Jaam o Suboo Peh Hansty Hein Shaikh Ne Bandagi Ko Baich Diya Rahguzaron Peh Lut Gai Radha Shiyam Ne Bansari Ko Baich Diya Jagmagaty Hein Wehshton Ke Dayar Aqal Ne Aadmi Ko Baich Diya Lab o Rukhsaar Ke Aiwaz Hum Ne Sutoot e Khusravi Ko Baich Diya Ishq Beropiya Hai Ae SAGHAR Roop Ne Sadgi Ko Baich Diya   Poet:Saghar Siddiqui Kulyat e Saghar Page No 205-206

Kia Samaan Tha Bahar Se Pehly Gham Kahan Tha Bahar Se Pehly Aik Nanha Sa Aarzoo Ka Diya Zoofishan Tha Bahar Se Pehly Ab Tamasha Hai Chaar Tinkon Ka Aashiyan Tha Bahar Se Pehly Ae Mere Dil Ke Dard , Tu Hi Bata Tu Kahan Tha Bahar Se Pehly Pichli Shab Mein Khizan Ka Sannata Hum-Zuban Tha Bahar Se Pehly Chandni Mein Yeh Aag Ka Dariya Kab Rawaan Tha Bahar Se Pehly Ban Gaya Hai Sahab e Mousam e Gul Jo Dhuwaan Tha Bahar Se Pehly Lut Gai Dil Ki Zindagi SAGHAR Dil Jawan Tha Bahar Se Pehly   Poet:Saghar Siddiqui Kulyat e Saghar Page No 203-204

Har Shagofa Sanan Ki Soorat Hai Mousam e Gul Khizan Ki Soorat Hai Lamha Lamha Hai Bojh Seeny Mein Waqt Sang e Garan Ki Soorat Hai Hai Waraa e Qarar Aansoo Bhi ! Dard Ik Mehruban Ki Soorat Hai Rasty Rah-Numa e Deedah o Dil Zindagi Karwaan Ki Soorat Hai Zouq e Tadbeer Ho Tou Har Zarrah Jalwah e Kehkeshan Ki Soorat Hai Zindagani Hai Gosh Bar Aawaaz ! Aadmi Dastaan Ki Soorat Hai Haaye Dejwar e Mehfil Hasti Khamshi Bhi Zuban Ki Soorat Hai Mere Asha'ar Sun Ke Farmaya Aik Yeh Bhi Fughan Ki Soorat Hai Apna Veezana e Alam SAGHAR In Dinon Gulistan Ki Soorat Hai   Poet:Saghar Siddiqui Kulyat e Saghar Page No 201-202

Hazir Sharaab o Jaam Hein Tu Jaag Tou Sahi Altaf e Khaas o Aam Hein Tu Jaag Tou Sahi Hein Ikhteyar e Shouq Mein Taron Ki Manzilein Behky Hoe Muqam Hein Tu Jaag Tou Sahi Kanty Bhi Aik Cheez Hein Tu Daikh Tou Sahi Gul Bhi Shararah Jaam Hein Tu Jaag Tou Sahi Ab Shab Ki Zulmaton Mein Kahein Aas Paas Hi Subhon Ke Aihtemam Hein Tu Jaag Tou Sahi Afsurdgi Gunah Ke Tamaseel Hai Nadeem Be-Chainiyan Haram Hein Tu Jaag Tou Sahi SAGHAR ! Qareeb Tar Hai Diyar e Maah o Najoom Bas Aur Chand Gaam Hein Tu Jaag Tou Sahi   Poet:Saghar Siddiqui Kulyat e Saghar Page No 200

Chaman Se Barq o Sharar Se Khitab Karta Hon Shaoor o Fikar o Nazar Se Khitab Karta Hon Qadam Qadam Khilata Hon Gul o Ma'ani Ke Jahan e Shams o Qamar Se Khitab Karta Hon Jabeen Peh Sutoot e Ilham Ke Taqazy Hein Zuban e Qalb o Jigar Se Khitab Karta Hon Main Aik Mard e Qalandar , Main Aik Deewanah Tuloo e Noor Sahar Se Khitab Karta Hon Mizaj e Shabnam o Lala Se Khitab Karta Hon Nigah e Shoula Nagir Se Khitab Karta Hon Na Karwaan Se Shikayat Na Rahnuma Se Kalam Ghubar e Rah Guzar Se Khitab Karta Hon Har Aik Gaam Peh Hein Patharo Ki Deewarein Sukoot e Ahl e Hunar Se Khitab Karta Hon Ba-Nam e Azmat e Yazdaan Kabhi Kabhi SAGHAR Waqar Husn e Bashar Se Khitab Karta Hon   Poet:Saghar Siddiqui Kulyat e Saghar Page No 198-199

Mizaj e Shamma Mein Kuch Zauq e Parwana Bhi Hota Tha Kisi Ke Nam Us Mehfil Mein Deewana Bhi Hota Tha Pareshan Hasraton Ki Be-Naqabi Daikhne Walo Isharon Par Humare Raqs e Parwana Bhi Hota Tha Jahan Ulfat Nibhane Ke Haseen Iqrar Hote Thay Qareeb e Shehar , Yaaro ! Aik Weerana Bhi Hota Tha Yaqeen e Zindagi Ko Mua'atabar Jis Ne Kia SAGHAR Haqeeqat Ke Saheefon Mein Woh Afsana Bhi Hota Tha   Poet:Saghar Siddiqui Kulyat e Saghar Page No 197

Uthtay Rahe Kalion Ki Jawani Ke Janazay Jalty Rahe Phoolon Ke Nagir Shehar Mein Tere Palti Hai Taqadus Ke Lubaday Mein Hiqarat Bajty Hein Hawadis Ke Gajar Shehar Mein Tere SAGHAR Ki Nigahon Mein Khatakti Hein Abhi Tak Kajlaye Hoe Shaam o Sahar Shehar Mein Tere   Poet:Saghar Siddiqui Kulyat e Saghar Page No 196

Saaya e Zulf Buttan Mein Baitho Is Parestish Ki Jahan Mein Baitho Maah-Wisho ! Subah e Yaqeen Hone Tak Manzil e Shaam e Guman Mein Baitho Log Kehte Hein Shafa'at Ke Liye Do Ghadi Badah-Kashan Mein Baitho Unke Pehlo Bhi Dil Hote Hein Bazm e Aasheefta-Saraan Mein Baitho Zeest Ke Raaz Chalakty Hein Yahan Aao ! SAGHAR Ke Jahan Mein Baitho   Poet:Saghar Siddiqui Kulyat e Saghar Page No 195

Jafa o Jor Ki Dunya Sanwar Di Hum Ne Zahe Naseeb Keh Hans Kar Guzar Di Hum Ne Kali Kali Humain Hairanion Se Takti Hai Keh Pat-Jadhon Mein Sada e Bahar Di Hum Ne Khayal e Yaar Ki Rangeenion Mein Gum Ho Kar Jamaal e Yaar Ki Azmat Nikhar Di Hum Ne Usay Na Jeet Saky Ga Gham e Zamana Ab Jo Kaaenaat Tere Dar Peh Haar Di Hum Ne Woh Zindagi Keh Jise Zindagi Se Nisbat Thi Tumhari Zulf e Pareshan Peh War Di Hum Ne Kuch Aisa Sard Hoa Jazba e Wafa SAGHAR Khud Apni Zaat Ko Hans Hans Ke Haar Di Hum Ne   Poet:Saghar Siddiqui Kulyat e Saghar Page No 194

Sar e Maqtal Humain Naghmaat Ki Ta'aleem Daity Hein Yahan Ahl e Nazar Zulmaat Ki Ta'aleem Daity Hein Yahan Kaliyan Mehikti Hein Magar Khushbo Nahi Hoti Shagofay Barmila Aafaat Ki Ta'aleem Daity Hein Yahan Kuch Log Aise Bhi Hein Zartabi Qubaoun Mein Sahar Ka Nam Le Kar Raat Ki Ta'aleem Daity Hein Yahan Kuch Log Aise Bhi Hein Irfan e Baharan Woh Phoolon Ko Naye Jazbaat Ki Ta'aleem Daity Hein Rah e Taqdeer Is Din Ke Liye Kia Dhoop Aur Saaye Tere Gaisoo Jinhein Halaat Ki Ta'aleem Daity Hein Humain Zaiba Nahi Daita Rah e Dushwar Ka Manzar Keh Sahraoun Mein Bhi Barsaat Ki Ta'aleem Daity Hein Jahan SAGHAR Sharaab e Zindagi Ik Zehar Qatil Hai Yaqeen Wale Wahan Khadshaat Ki Ta'aleem Daity Hein   Poet:Saghar Siddiqui Kulyat e Saghar Page No 192-193

Zaoq e Tughyan Mein Dhal Ke Daikh Kabhi Mouj Ban Ke Uchal Ke Daikh Kabhi Tu Sadaf Hai Tou Is Samandar Mein Sangreze Nigal Ke Daikh Kabhi Aatish Aarzoo Ajab Shay Hai Is Ki Thandak Mein Jal Ke Daikh Kabhi Khushk Sahra Bhi Rashk e Gulshan Hai Apne Ghar Se Nikal Ke Daikh Kabhi Ae Giraftar e Rehbar o Manzil Be-Iradah Bhi Chal Ke Daikh Kabhi Zindagi Ki Mithas Ke Humrah Zehar Gham Ko Nigal Ke Daikh Kabhi Hai Baharon Ki Justjo SAGHAR Khaar-Zaaron Mein Ke Daikh Kabhi   Poet:Saghar Siddiqui Kulyat e Saghar Page No 190-191

Insan Bad-Naseeb , Muqadar Ki Baat Hai Gul Ko Mily Saleeb , Muqadar Ki Baat Hai Ahl e Junoon Ke Haath Mein Dono Ko Jahan Ki Baag Khatre Mein Hai , Muqadar Ki Baat Hai Zakham e Bahar Ban Gai Phoolon Ki Aarzoo Sara Chaman Raqeeb , Muqadar Ki Baat Hai Ahl e Chaman Ko Luknat e Mahol Kha Gai Har Be-Nawa Khateeb , Muqadar Ki Baat Hai Zakhmon Ko Chaidty Hein Ba-Nam e Ilaaj Nou Is Daur Ke Tabeeb , Muqadar Ki Baat Hai Taskeen e Justjo Na Andaza e Qiyam Manzil Ke Hein Qareeb , Muqadar Ki Baat Hai Sahra Ki Dhoop Ban Gai SAGHAR Ki Tishnagi Dushman Bany Habeeb , Muqadar Ki Baat Hai   Poet:Saghar Siddiqui Kulyat e Saghar Page No 188-189

Teri Nazar Ke Isharon Se Khail Sakta Hon Jigar Feroz Shararon Se Khail Sakta Hon Tumhare Daman e Rangeen Ka Aasra Le Kar Chaman Ke Mast Nazaron Se Khail Sakta Hon Kisi Ke Ahd e Muhabbat Ki Yaad Baqi Hai Bade Haseen Saharon Se Khail Sakta Hon Muqam e Hosh o Khird Inteqan Wehshat Hai Junoon Ki Rah Guzaron Se Khail Sakta Hon Mujhe Khizan Ke Bagoly Salam Karte Hein Haya-Firosh Chinaron Se Khail Sakta Hon Sharaab o Shair Ke Darya Mein Doob Kar SAGHAR Suroor o Kaif Ke Dharon Se Khail Sakta Hon   Poet:Saghar Siddiqui Kulyat e Saghar Page No 184

Mere Chaman Mein Baharon Ke Phool Mehkeingy Mujhe Yaqeen Hai Shararon Ke Phool Mehkeingy Kabhi Tou Deedah e Nargas Mein Roshni Hogi Kabhi Tou Ujday Diyaron Ke Phool Mehkeingy Tumhari Zulf e Pareshan Ki Aabroo Ke Liye Kai Ada Se Chinaron Ke Phool Mehkeingy Chamak Hi Jayegi Shabnam Lahoo Ke Boondon Se Rawish Rawish Peh Sitaron Ke Phool Mehkeingy Hazaron Mouj e Tamanna Sadaf Uchaly Gi Talatamon Se Kinaron Ke Phool Mehkeingy Ye Keh Rahi Hai Fizaein Bahar Ki SAGHAR Jigar Feroz Isharon Ke Phool Mehkeingy   Poet:Saghar Siddiqui Kulyat e Saghar Page No 183